قصيدة " آه يا بلد"...
آه يا بلد مشيلنا بالشقلوب
كل أما نطلع فوق
نلاقى فوق مقلوب
من بين الوف الناس
جبتلنا المضروب
عمل إنقلاب و غدر
صبح البلد مخروب
قتل كتير مننا
وإحنا آخرنا الطوب
وكأنة مننا مرعوب
لك يوم يا ظالم
وتجيلك لحظة غروب
قتل الولاد مش سهل
صبح الوطن منكوب
خايفين على الكرسى
وانتوا الوطن منكم منهوب
بيع التراب و بيع الدم
علشان تكون للأمريكان محبوب
بيع الهرم و النيل و سينا
عشان تصير من اسرائيل مركوب
معدش فاضل فيها غير العيوب
واللى يقول الحق نقول علية مجذوب
واللى يسانده أكيد ورا القضيب محجوب
واللى يدلس و يرقص يصبح لكم محبوب
وفي لجنة الخمسين صوته يكون محسوب
خليتو مصر العفيفة مومس و كمان لعوب
الاهى تجيلك نقطة .. يبقى الخرس مكتوب
وبكره تربيتك تخونك وبنارها تكون مضروب
بكره هيكون الفرح و دمك المشروب نبض النهضة .. ((100 يوم على فض رابعه والنهضة ))
