كان يا ماكان مو من قديم الزمان

عن صفحة :الحب بدل الحرب‎
كان يا ماكان مو من قديم الزمان ،
من شي سنتين أو أكتر كمان،

كان العرس بسورية الساعة تمانة
والمعازيم تجي حتى من عمان...

وكان يصير للعريس تلبيسة
يوصل صوتها لبلودان

والعريس مبسوط بحالو ومو عرفان
كيف يخبّي فرحتو هالضرسان،

والعروس من الفرحة قلبها غميان،
وعالأسكي ماتنزل برقصها الفتّان ،

والصالة عم تعج عج بالعالم والكل فرحان،
ولما يخلص العرس لازم يعملو تفتيلة للعرسان،

وياخدوهون على قاسيون
ويمرقوهون من الميدان،

والكل من الكعب العالي يرجع عالبيت هلكان،
كانت أيام من أجمل الأزمان ،

وبكرة عرس بنت حلوة الساعة وحدة
ومو عازمين حتى الجيران ،

والكل بيجي عالهسي
وهم الروحة هكلان ،

ولافي دق ولا رقص ،
بس الكل بدو يرجع على بيتو كيف ؟؟ مو عرفان .

يارب ترجع الأفراح لبلادنا... دخيلك يا خالق الأكوان







https://fbcdn-sphotos-h-a.akamaihd.n...05319713_n.jpg