قصيدة الشاعر عمر نقشبندي

سلام الله عليكم:

شاعر لم يحظ بشهرة كبيرة لكنه قدم شعرا شعبيا حلوا راق لكم كبير من المتابعين والعاشقين لهذا النوع من الشعر النادر والقليل خاصة حاليا...


وكان ذائعا في الستينيات حصرا
ولم يبق سوى الشاعر عمر الفرا وبعض نظام الشعر الزجلي:

اليكم القصيدة والتي علقت على نافذة البنك المركزي في سورية عرفانا بجميل كبير لم يشعر بقيمته احد:

السيجارة...



صدقني من غير يمين كل البلا من التدخين

موحاسبين للموت حساب وعما تزيد البلة طين
اسمع مني لاتحتار شوف اعصابك عم تنهار
كل مابتشعل سيكارة بتدق بالتابوت مسمار
اول سيكارة شحادة وبعدين يتصير لك عادة
وبعد مايتتحكم فيك يتلزق فيك متل قرادة
يتعطيك من تمها قبلة مسمومة وفيها نبلة
سايقتك متل الاعمى ومعلقة برقبتك حبلة
يتحرق حالك بايديك وبتضرك ومابتفيدك
بتشعل فيها ليل ونهار وحاكمتك متل سيدك
كل يوم عم يقصر عمرك بايدك عم تحفر قبرك
بعد مدة بتشوفها سكينها فيك بتتحرك
ما بتبوسك الا من تمك على زعمك بتفرج همك
لازقة فيك متل العلقة وعم تمصلك دمك
كل يوم يتتصبح فيها آه لو تعرف شو فيها
في داخلها سم الموت ولساك متعلق فيها؟
هالسيكارة يااخوان بيجيب مرض السرطان
والالعن هيك وهيك بتسد الوريد والشريان

*************

لاتجعلها تسلاية تمصها متل اللهاية

لا تشوف حالك شب وقوي خاف من الايام الجاية
يلي بتوفره من رغيف العيش بتحطه ثمن باكيت
كل مالك راجع لورا وما يتفيد كلمة ياريت
بتاخد شحطة ورا شحطة هي هية اكبر غلطة
اولها سحبة دخان وآخرتها يتعمل جلطة
بتعطيك من دخانها بصدرك وبتلدغك كتل البرصة
ليل ونهار لازقة بتمك بتحبها وعم بتسمك
ولسه بتقول اخ قلبي شو عاملك ياربي
ارمي السيكارة وقول لها روحي بكرا من راسي


سم طبقتو اجباري وعم تعطيك سم الهاري
عبتلك صدرك دخان وسطحت كل السواري
بنصحك حكم عقلك شوف اللي دخن قبلك
صار ظهره طاقين على طريق الخير عم دلك
قلي علي ساويته واتركها فعلا احسن لك

*******

(ملاحظة القصيدة فيها تجاوزات لفظية لقدم النسخة وترميم الالفاظ)

ودمتم لنا
نقلت من الملتقى العلمي-القسم الادبي


http://www.omferas.net.tc/

وهذا الموقع هدية

http://www.abdulhakeem.com/nclr_sigar.htm

شكورة اختي على النقل

مشاركة قيمة جدا جدا
الف شكر