ما دام النعس

ما دام النعس

ما دام النعس غلبان عا عيونك
اتركي الفراش تا افرشلك عيوني
واذا ما وسعت عيوني الك
بجبلك الغيمات للنوم الهني
ويابختو الليل سرق من شعرك سواد
واخد مونتو منك لشهور وسني
انت ياسمرا شوقي الك زاد
وعن شوفتك يمكن ما عاد لي غني
بحلف.. بربي وبرب العباد
لولا العشق ما الا طعم الدني
وان غبتي عني رح عيش بحداد
وان طالت الغيبة كل يوم بسنة
وقلبي بطبعو بيحب الوداد
ومن عشقك .... غرام بدي اغتني
وان جاد قلبك ,قلبي الك جاد
يفرش دربك ..... ورد وسو سنة
وان حب قلبك يمرمرني بعناد
رح اشلعو لقلبي وزتو بعيد

ولا تكون ياقلبي انت ل هنتني




فايز
4 \3\2007\

نتمنى ان نقرا المزيد
واهداف جديدة....
سلم قلمك

أبدي تحفظي على مثل هذه الأشعار الممائلة لما يستخدم في الأغاني و غيرها ..

اذن ننتظر المزيد
وباغراض ومواضيع اخرى جديدة
اشكر مرورك اخي تمام

وانا معك اخي تمام
ومادام الشاعر عنده براعة ننتظر منه قصائد جدية ومن حياتنا العادية
اهلا بك

يسعدني مروركم جميعا على منتدى الشعر الشعبي باللغة المحكية
بالنسبة لتعليق الاخ تمام اقول انه شعر شعبي وليس غريب عندنا في سوريا
هو والزجل لانه من نفس الاسلوب وله شعبيته الكبيرة
ارجو قبوله كما هو , وشكرا لمرورك