المعاكسة الشامية

المعاكسة الشامية هي طب وفن وصناعة ورياضة وعلم نفس وثقافة!

مثلاً:
عيونك دوخوني = طب
يسلملي هالطول متل عرق الفول = زراعة
تقبشيني وتقبريني = تضحية وإيثار
يا أرض احفظي ما عليكي= دعاء
سبحان الخالق ما أحلاكي= إيمان
تمشي على رمشي = رياضة جمباز
... يا ريتني علكة بين أسنانك = تحفيز للصناعة الوطنية
ما يبلى وما يتخ = دعاية للثياب المحلية
نورك منوّر علينا= دعوة للتقنين الكهربائي
صباحك متل صباح فخري= تشجيع للطرب الأصيل
دخيل أمك على هالخلفة= مؤشر تحسين النسل
فشرت هيفا ودانة = جبران خواطر
جبال العالي لهدا كرمالك = تحدي ورجولة
يجعل أمك حماتي = تخطيط
أخوكي خال ولادي = استراتيجيا

رد البنات ع المعاكسة:
ورصاص= تشجيع على المقاومة
بضربك كف بطيّرك= فعل نضالي
يبلاك بقتلك= خدمة انسانية للمجتمع
حتفة وقريضة وفنى= تفعيل للغة الفصحى (معاني كلمة موت)
شو ماعندك اخوات بنات= تذكير بصلة الرحم
امشي بطريقك أحسن لك= إرشاد وتوجيه
انقلع أحسن ما أعملك فرجة للناس= دعوة لبرنامج ترفيه جماعي

ام فراس: فرسان الثقافة....

حبينا نغيرلكم جو شوي :)

ريما