صحن حمص ودموع...........

اليوم كان عندي الظهر شغل بالميدان خلصتو ومريت على أبو حبل اتغدى , أعدت آخر شي عند الحمصاني مواجه الدقاق... طلبنا حمص بلبن وأنا عمباكل إجى ولد كربوج لعندي طوله لا يتجاوز المتر , ماسك ربطة خبز قللي جبرها آخر واحدة معي ... قلتلو إنتي من وين ؟ قللي من الميدان قلتلو من وين من الميدان قللي ساكن بالتضامن بس نحنا أصلنا من الميدان وقللي اسم عيلتو ... قلتلو لساتكم بالتضامن ساكنين قللي لا نزحنا هلأ بغرفة تحت درج بناية , كان معو كتب مدرسة قلتلو عمبتروح عالمدرسة قللي إي والله وعمبيع خبز بعد الدوام !!! قلتلو بأديش الربطة قللي 25 ليرة ( كان نص الربطة فاضي ) عطيتو 100 ليرة وأخدتها ودرت وجهي عالصحن على أساس ما بدي آخود الكمالة ومشان ما أكسرلو نفسو ... رجعلي 75 قلتلو توكل على الله خليهم معك .. اتطلع فيني تطليعة عز وكرامة وقللي لا والله ما باخود إلا حقي إزا بدك خود بسكوت مني ( كان معو كرتونة صغيرة فيها بسكوت ) , قلتلو هات والله وما رضي إلا ما عطاني على قد الـ 75 ليرة بسكوت !!! مشي هالولد وتركني ومنيح أنو ضبيت الدمع تبعي فوق صحن الحمص لأنو كان صار حمص بالدموع بدال حمص باللبن !!!! بس حابب قلكم أنو هاد مالو ولد ولا رجال هادسيد الرجال !!! نازح من بيتو ونايم بغرفة تحت الدرج , صف ثالث وعمبداوم بالمدرسة وبعد الدوام عمبيع خبز ما عمبيشحد وفوق كل شي ما رضي ياخود إلا حقو !!!! فتخيلو واتعذو يا رجال البلد !!! هاد نموذج من رجال الشعب السوري العظيم ...... وهي الحمص تفضلو كلو


— at Midan, Damascus Syria.

https://sphotos-b.xx.fbcdn.net/hphot...41020218_n.jpg

عم ابكي من وقت ما قريتها.........................