حب دموي في قبيلة بني هلال
حب دموي في قبيلة بني هلال
--------------------------------------------------------------------------------
بطلة القصة غريسه
يقال ان يوم كانوا بني هلال بنجد قبل ماينزحون عنها لشمال افريقيا صارت هذي السالفه الي هي باختصار : ان فيه بنت اسمها غريسه تحب واحد اسمه زيد
وهو يحبها وتقدم لها وتزوجها وبعد فترة من زواجهم حدثت بين زيد واهل غريسه مشاكل واجبروه على تطليقها والبعض يقول بقت على ذمته بس المهم فرقوهم بالقوه..(والبعض يقول ان السبب هو ان ولد عمها حجرها
ولكن رغم تفريقهم كان يتقابلان بالليل اذا ناموا الناس! وقبل الفجر
ترجع لااهلها وتنام وكأن ماصار شي !واستمرت على ذالحال... في إحدى الأيام
قابلت زيد كالعاده بالليل ,ولكن الي صار ان النوم
بداء يسرقهم وهي تقول لزيد اسر ولكنه لم يسمع كلامها! فنامت هي
وزيد نام وطلع عليهم الفجر وهم على ذالحال!!! .
اخو غريسه استنكر الوضع يوم صحى ولا لقى اخته بمحلها! وقام يقص جرتها(اثرها)
لين لقاها نايمه وزيد نايم جنبها!! وذبح زيد ,وقطع رجل اخته وتركها تعزيرا ً بها!!
وباليوم الثاني رجع وقطع رجلها الثانيه!! وباليوم
الثالث رجع لها ولقاها
ميته!! ولقاها كاتبه من دمها على حجر كبير القصيده التاليه :
قالت غريسه زين القول والنبا
........................ جاني زماني والمقدر دهانيه
تخاويت انا وزيد وطاب ليلنا
..........................ثمان سنين في طرابه وامانيه
ياليت زيد طاعني يوم اقوله
......................... اسر وكل الناس بالنوم هانيه
ولاطاعني والامر مافيه حيلة
......................غشا زيد حلو النوم وانا غشانيه
و لادريت الا وزيدً ضحية
........................ نعيته ولو هو حي عندي نعانيه
يوم اقطعوا رجلي تراكيت بالعصا
....................... على قبر زيد وقلت هذا مكانيه
ويوم اقطعوا الاخرى تدربت بجثتي
......................على قبر زيد وقلت ماجاه جانيه
ياحافرً للقبر وسع جوانبه
............................وعن قبر زيد لا تبعدانيه
حطوه فوقي دافنينه هو العلا
................... ابي لاجا الوبل قبر زيد سقانيه
وهنا تقول لااهل زيد بان ياخذوا ثار حبيبها وان يذبحوا ثمانيه
من افراد اسرتها المقربين ثأرا لزيد وان لايقبلوا بالديه :
يامدور على زيد ترا زيد عندنا
........................... ذبيح العمر باسباب كل غانيه
لاتاخذون قضاه من البل والغنم
........................خذوا قضاه من اهل بيتي ثمانيه
ابوي واخواني مع عيال عمي
........................ ذبحة هلي في عشيري تهنانيه
وسلامتكم من كل شر
