الساعه كام فى ايدك

الحمد لله انا تمام من خلال بيانات الحكومه لا تقلق يا مدبولى الأمور تمام ومحدش واخد منها حاجه
كل شىء تمام ومن خلال اوراق الحكومه التى لا تكذب ابدا انا تمام ومفيش اى مشكله عندى وبرغم ذلك العفو انا لا اشكك فى بيانات الحكومه
اوكازيون خده على بعضه
لا سمح الله لا تفهمنى غلط
بيانات الحكومه تقول ان عمرى اربعين سنه تمام لكن انا عمرى ثلاثه واربعين سنه
بيانات الحكومه تقول ان صحتى تمام وانا عفوا لا تفهمنى غلط عندى السكر والطحال والروماتيزم وما بقدرشى اطلع السلم بتاع العماره باين عندى ربو والطبيب اكدلى انى مريض بالربو
لا سمح الله انا لا اكذب بيانات الحكومه
صباح الخير يا مدبولى انت تعرف ان البيت الذى اسكن فيه وقع اول امبارح وبنام فى الشارع المشكله ليست فى نفسى انما فى العيال حاولت اوفر لهم سكن لم اجد الا القرافه الا ان بيانات الحكومه تؤكد انهم صرفوا لى مبلغ محترم حتى اجد سكنا اخر وحينما ذهبت لأتقاضى المبلغ اكتشفت ان السيد المسؤول يؤكد لى انى صرفته من قبل فعدت وكدت اشك فى نفسى
لا سمح الله لا اشكك فى بيانات الحكومه
المدرس الخصوصى بتاع الانجليزى قال لى انه عايز سبعين جنيه سالته بلطف اشمعنى رد قائلا ابنك عتريس فاشل فى الانجليزى وهنحاول نعديه السنه دى الا اننى سالته طب لو شاطر ندفع كام
وحينما وجدت اسم المدرس فى كشوف الممنوعين من التدريس نهائيا اندهشت الا اننى لا سمح الله اكذب نفسى ولا يمكن ان اكذب بيانات الحكومه
انت تعلم حضرتك ان الازمه الحاليه ليست فى اكل العيش وانما فى العيش نفسه وحينما تقوم حضرتك من النوم مبكرا قرب الفجر وتذهب الى فرن العيش تجد طابورا طويلا من اصحاب المعاشات فى انتظار الحصول على بجنيه واحد انا كنت هناك لأننى طلعت معاش مبكر الحكومه استغنت عن خدماتى طبعا كنت احاول ان احصل على رغيف العيش وعندما زقزق العصفور اكتشفت ان الخبز المدعم ملىء بالصراصير واحيانا المسامير ومفتش الحكومه يصر على ان الخبز نظيف ومطابق للمواصفات الفنيه وان اصحاب المخابز ناس شرفاء لا يسرقون الدقيق ويبيعونه فى السوق البيضاء انا كنت هناك موجود فى اخر الطابور الا انه عندما طلع الصباح قال لى صاحب الفرن البند لا يسمح العيش خلص تعالى بكره
لا سمح الله انا لا اكذب بيانات الحكومه
انت عارف طبعا ان اقرار ذمتى الماليه خالى من الكلويسترول والدم وملىء فقط بالتيفود والحمى القلاعيه وانا اشتريت محمول بكاميرا واصريت ان اضمه لاقرار ذمتى الماليه رفضوا لأنه صينى الا اننى اقنعتهم اننى سوف استبدله بيابانى واتناول بعض المنشطات لتعود لى حيوتى واقدم فى نادى الزمالك رفضوا ايضا واصروا انه لابد من ان اكتب طلب جديد مكتوب فيه اعتراف باننى تجاوزت الخمسين حتى اتمكن من اضافه تليفونى وعنوان منزلى الجديد وطول ابنى الصغير وان اضع طابع دمغه فرعونى وان احصل على شهاده البكالوريا فى فن الطبخ
لا سمح الله انا لا اكذب بيانات الحكومه
الشوارع نظيفه للغايه والزباله معمول حسابها يتم جمعها وتحويلها الى زيت كما فعلت ماليزيا والأتوبيس فاضى والناس مبسوطه على الأخر حتى انى شاهدت حلمى ابن الجيران طالع بالمايوه فوق السطح وحاول يعوم فى الهوى من شده الفرح ولما مات تم عمل له جنازه عسكريه حضرها اللواء والمقدم ورغم انهم طلبوا منى مقدم للثلاجه فى شركه الكهرباء رغم انه ليس عندى كهرباء الا اننى دفعت ثمن العداد
ورغم محاولات شكرى المستميته فى ان يجد حلا لمشكلته مع سعاد الا ان حماته قررت ان تذهب به الى مستشفى المجانين لأنها ظبتته ذات يوم اشترى حذاءا جديدا دون ان يعلمها كما انه دخل فى جمعيه مع جارته سنيه من غير ما تعرف واعتقدت زوجته انه سيتزوج سنيه فحاولت ان تقتل سنيه الا انها قررت ان تعترف له بسر خطير انها حينما وافقت على الزواج منه اعتقدت انه ورث عن والده فدانين ونصف ومليون جنيه كانوا فى البنك ولما تزوجت اكتشفت ان والده كان مديونا لطوب الارض وحجزوا على الارث فطلبت منه اما الطلاق واما ان يدخل مستشفى المجانين
صباح الخير يا مدبولى ربنا يكرمك والله انا كنت اجازه امبارح لكن ذهبت لزياره سيدنا الحسين لكن لم اراك هناك ازى صحتك كان فيه مؤتمر هناك لمرشح رئاسى كان يتحدث انه حينما يتولى الحكم سيجعل مصر كسنغافوره اطمئن انا لا اصدق اى مرشح الا لما اشوف بعينى هكذا علمتنى الايام
كان يقول انه سيحاسب الوزراء فلن نجد بعد اليوم وزير الحمى القلاعيه ولا وزير السولار تخيل ان فيه وزير تاجر خرده وفيه اخر تاجر شنطه المشكله انى حاولت اعرف ايه اللى فى الشنطه لكن للأسف لم يحالفنى الحظ
خلى بالك فيه ناس اليومين دول بتاخد منشطات اصل البرشام ملأ السوق وعده الشغل انتشرت واطفال الشوارع عاملين مليونيه تخيل ان المحافظ حاول يسافر منعوه من السفر خوفا على حياته من قطاع الطرق
والله حاجه تغيظ الدوله مش عارفه تحمى نفسها
ممكن اعرف ليه نخبط على البطيخه قبل ما نفتحها هى مصر دلوقتى زى البطيخه
والنبى يا مدبولى لا تنسى البطيخه للأولاد لما تيجى تزورهم
تصدق بالله اننى اول مره اعرف اننا شعب الاستك منه فيه اننا الشعب الوحيد الذى يموت داخل الأفران وخارج طوابير العيش ونحن الشعب الوحيد الذى نعشق التعذيب داخل السجون ونحن الشعب الوحيد الذى نعشق العيش داخل الغيبوبه خلف شارع الهرم
ممكن تقولى كام الساعه فى ايدك لأنى عندى ميعاد مع سياده الوزير وبعد الساعه خمسه عندى ميعاد مع سياده النائب تخيل لما البنزين سعره زاد فى تركيا نائب برلمانى اعترض على غلاء سعر البنزين بركوبه الحمار والله نائب محترم معقوله هنشوف واحد مصرى نائب برلمانى هيركب حمار
فى تركيا النواب بيركبوا الحمير لما يريدو الاعتراض على غلاء الأسعار وفى مصر الحمير تركب الناس وممكن ترفع عليهم قضيه وجنحه سب وقذف
صباح الخير يا مدبولى والله انا مندهش من شيوخ الفضائيات تخيل ان شيوخ الفضائيات عندهم عمارات وقصور وفلل ولهم بودى جارد بيحرسهم وعندهم ارصده فى البنوك وبيلعبوا جمباز وتنس الطاوله وكان فيه واحد من كام يوم نازل لعن فى الناس لتخويفهم من يوم القيامه وبعدين شوفناه متزوج من اربعه ويمتلك ارصده فى البنوك بالملايين وقصور والعمليه عنب على الاخر بصراحه اتغظت جدا وسالت نفسى هو امتى يجى يوم القيامه عشان نعرف حكايات شيوخ الفضائيات على الحقيقه
الساعه كام فى ايدك لو سمحت لانى عندى ميعاد والله يا اخى صديق لى من زمان عزمنى على حفله فى الأوبرا لكن خايف اروح ليطلعلى عفريت احد مرشحين الرئاسه المستبعدين من سباق الجرى ذو النفس الطويل العجيب والمدهش ان هو الوحيد اللى زعلان جدا انهم استبعدوه من الانتخابات رغم ان هناك غيره والأعجب ان انصاره بيسموه خليفه المسلمين وحينما استبعدوه خرج انصاره وبعض الوجوه التى تظن فى نفسها الحكمه والذكاء والتدين ان العمليه صراع بين الكفر والايمان امر عجيب ويخرج علينا اخر منهم ليقول انه لابد من الصبر ويأتينا بحكايات قريش وحربها والصحابه وجهادهم امر عجيب حقا كأننا فى غزوه وليست انتخابات عصريه فى عصر القنبله النوويه
والمدهش ان لكل مرشح انصار بالملايين الا ان هذا المرشح الوحيد المتلهف على كرسى الحكم بشده كاد ان يبكى بسبب قرار استبعاده
فى كل البلاد فى العالم لكل دوله دستور والدستور فوق القانون اما فى بلادنا لكل وزاره دستورها وقانونها الخاص فمثلا قانون المرور عليك ان تدفع اولا ثم تتظلم من الدفع كما انه فى وزاره الداخليه عليك ان تتعذب اولا ثم ترفع دعوى على الداخليه تتهمها بالتعذيب وعلى القانون فى النهايه ان يبرىء الجميع
والدستور فى بلاد العالم المتقدم يهتم بالمواطن وفى بلادنا نأتى بنسخه منه ونفرشه تحت اطباق الطعام
والقانون الذى اصلا لا يطبق يلد لنا بنتا لطيفه اسمها اللائحه التى تعد فى النهايه اهم من الام والذى هو القانون واللائحه تنجب لنا ابنا ظريفا اسمه التعليمات وتفرض اللوائح والتعليمات بدلا من القانون والدستور وهما قوانين استثنائيه لحل جميع اللأزمات فحينما تريد الحكومه ان تتهرب من فعل شىء تلجا الى اللوائح وليس القانون وحينما يريد المجرم ان يفلت من العقاب تطبق عليها التعليمات وليس القانون ولكل مؤسسه لوائحها وقوانينها التى فى الغالب ما تكون منبثقه من القانون الاصلى والتى تعد شارحه له وحيله ماكره للتهرب من الالتزامات وا
لعقوبات
لقد قرات جميع روايات اجاثا كرستى ولم اتعرف على القاتل الحقيقى وجميع المساجين فى السجون المصريه ذهبت لزيارتهم ولم اتعرف على نوع الجريمه وحينما ذهبت الى المحكمه لارى القاتل الحقيقى وجدته يبكى قائلا انه برىء فبرئته المحكمه وفى الحياه تضيع الحقيقه ويحار فيها العقل كما اننا لا نستطيع مهما حاولنا ان نصل للحقيقه الكامله عن اى شىء
ونحن البلد الوحيده التى لا تهتم بالصناعه والانتاج وكل ما يهمها اللعب والكوره فى دم الجميع ومن اجل ماتش تفتح السجون والمستشفيات
كما نحن الشعب الوحيد الذى يهتم بالمسلسلات والأفلام فبعد كل مليونيه داخل ميدان التحرير نكتشف ان فيلم شارع الهرم حقق ملايين الجنيهات والافلام العاريه تمثل اهم عائدات للبلد كما ان الجمهور عايز كده وغالبا الجمهور الذى هو عايز كده يخرج فى مليونيات هى عايزه كده
لقد حاولت بما لا يدع مجالا للشك ان اغير من حياتى المعتاده فقررت ان اعتزل الفن كما قررت ان اعتزل الكتابه الرومانسيه الحالمه لأن كل شىء حولى يتغير فالأعلام كله اكشن والأفلام اكشن والشارع اكشن والحياه اصبحت اكشن فى اكشن وسوف اضرب المسؤولين واترك العمل القانونى والأدبى واخرج مع انصار كل مرشح لأاقرر ان مرشحى واستبعاده جاء بالتزوير كما اننى سوف اقطع الطريق واسرق البنزين وافجر الخطوط واشتغل حرامى وبلطجى واشكل خطر على الأمن الخاص والعام
وسوف اعمل لدى اللجان الانتخابيه واطمئن سوف تشهد نتيجه جباره بعد تزوير جبار ومجهود شاق
كل شىء جميل فى البلد تم تهريبه وكل شىء ممكن اعادته الا الاموال المهربه منذ 2009 500مليار جنيه منهوبه رقم مهول يبنى مصر ويهدها ثلاثه مرات
صباح الخير يا مدبولى وكل سنه وانت طيب والله انا لا زلت لا اشكك فى بيانات الحكومه
هى الساعه كام فى ايدك لأن ميعاد نومى اقترب ولو اتاخرت اكتر من كده لن يسمح لى بدخول البيت لأن الواد الصغير ابنى المفتاح بتاع الباب معاه لأنه ماسك المفتاح اليومين دول والميزانيه كمان