عم تسألوني عم تسألوني ..
عن سكرها الليلإي .. إي .. إي ..
من ثم إِي بسكَرْمن ريحتو الملبَّسي نهدات ..
من كرمة الطايف من النظرات ..
عم بسكرمن شوشحَه .. شفت الدني فيها ..
لو لطم خدِّ الأرض يشفيها بِسْكَرْ من تراب اللي داسو .. من زمان قِلّي حبيبي ..
كيف طَوَّعْتْ المكان؟!كيف انحسر ..
بحر الخرز ؟!..
كيف انطرب راس القدر؟!
كيف انحنى عمري أنا ؟!..
قدّام خربشة الآمان !!!!!!!
لما التقينا بالوطن ..
كنت الوطن .. قلبك وسع ..
كل السكن
تْبَِدَّعْتْ بِـ رَشّ الورد ..
وَقَّفْ نشاط الأرض ..
جنَّنْت الوعديلله تعى ..
تيصير هالمفرق رصيف ..
قدام هالبيت الأليف ..
ونلغي من الدنيي الخريف ..
_ ونقعد مع النسمات بالوادي ..
ونطول شو ما نطول بالعادي ..
_حب اللنا ما بيشبه العادات
ولا بتنطوي بجناحنا اللهفات ..
من يوم ما زهَّر ربيع الفات ..
قطَّفنَاْ تفّاحو !!!!!!!!!!!!!
وتساقطوا من إيدنا الثمرات .. مدري شُبُن راحوا
_ لا تضيِّعُن .. هَيُّن أجو .. بالليل ورياحو ..
بردى ركض مجنون ..
أضناه السكونوالغوطه فتحت للشتا المجونحَطِّت عمامه بْراس هالخيمه ..
وُشـَدِّتْ قميص النوم للغيمه
تَتْقَنْطِرْ بواب اللِّنا
.. وترشرش حْرافُن هنا...........!!
_لك قوم حاجي .. لاحق تكفي منامهيو سِكِرْ هالليل ..
زغرد يا هيامخدني حبيبي وقول :
نـَعْنِـش يا غرام
دمشق-الشاعرة:فردوس النجار
