وينك فقدتـك

وينك فقدتـك يابعـد روح مغليـك
طوّل غيابك واشتعل جمـر شوقـي
عسى الغياب اللـي بعيـدٍ موديـك
عني يكون الخيـر مانـع وعوقـي
في غيبتك كـل المشاعـرتناديـك
ترجي رجوعك والأمـل بالشروقـي
ارجع فديتـك ياغلاتـي لاراضيـك
الحـزن نـوُخ والهنايـا سروقـي
والصبح ذاك الصبح يومي احاكيـك
متألـم لفقـدك ويسـأل خفـوقـي
وينـه حبيبـك مااشوفـه حواليـك
غابت رعوده عنْكْ وغابت بروقـي
وكل السحاب بدنيتـك راح ناسيـك
واصحت سماك بشمس تلهب حروقي
من بعد ماكان المطـر دوم يسقيـك
ابشوفتـه كـل المشاعـر تروقـي
هذا الصباح اللـي بحضنـه الاقيـك
شاحب ويبكـي غيبتـك مايفوقـي
وكل الذي حولي تحـرى حراويـك
ساعةرجوعك يمطر الفرْح فوقـي
بُعدك غرق في موج حزني واياديـك
هي النجاة ارجوك انـا مـد طوقـي
من كثر ما كلي امـل التقـي فيـك
نبضي نطق وينك ويبكيـك موقـي
علمني وينـك ياحياتـي وانااجيـك
لو الخطر سايد في كـل الطروقـي
لنّي انا مااقـوى فراقـك واحاتيـك
ونبضي بدونك ميتٍِ فـي عروقـي
منقول

أخي ذيبان

صح لسان قائلها وبنان ناقلها

ليتك تذكر اسم الشاعر لحفظ حقوقه

محبتي

قصيدة رائعة وجميلة اخ ذبيان

تحيتي