نادىسورية فى موجة عبيرمين زيها
من نهر برده للجمالعاش غصنها
وسواحل الفردوس بتنشر عطرها
بنياس ورودها ف الخيال يشهد لها
والغوطة تجمع من صحابها وأهلها
والشاى دمشقى والعطور من طلعها
واللمسة م المحبوب رسالة عشقها
وتاريخ من الأجداد بيشرح مجدها
فتوحات على أسم الأله قام عزها
وأمية يبنى ف المداين والصوربعلوم حضارة واندفاع مين زيها
والحكم شورى والعباد طوع أمرها
إن قال منادى الحى قاموا لجلها
جامعات معاهد والعلوم من فخرها
المجد بالتمكين ياناس مش قهرها
واللى بيقهر ف العباد ويذلها
يبقى عدو لكل نسمة بأرضها
ما بلاش نقدس ف البشر على ظلمها
حكام بتمنع ف الحياة من طفلها
بشار وريث الملك بايع عهدها
إبن الخيانة مش هايبقى صقرها
والضرب ف المليان شريعة وأصلها
من فعل مجنون العروبة وصمتها
حمص وحماه بتنادى درعا أمها
والزور وتل كلخ وريفك دمها
سورية جنة لو بحق لجندها
اللى بينضم لقوافل شعبها
واللى بيقفل ع العيون من ضلها
علشان يخبى الشمس عنها وعلمها
يبقى يروح وبسرعة يجمع رملها
علشان يدور ع القبور ويخشها
سورية العزيزة راح تكون من فخرها
أم المداين والبلاد بشبابها
البعث شينة والطوائف جرها
للموت بكذبه ع الخلايق كلهاا
لشعب واحد والدم منه زيها
أعراب وكرد مسلمين مع قبطها
أخرج كفاية نظام بيخنق حبها
خلى الولاد تبنى تعمر فجرها
أرجو من السادة إدارة المنتدى تنسيق القصيدة لأنى لم أتمكن من تنسيقها كما تعودة لمانع من المنتدى وليس منىدمتم بحبمنصور عبد الغفار
