زمان جدي

زمان جدي حكي قصة
مصر والسودان كانوا سوا علي المنصة
وجدتي لو عازت حنة
تجبها من أختها اللي
ف السودان منقوشة
ومرصوصة رصة
وإن اشتهت التمور
من البصرة تجيلها علي طول
ولوحبت تنيرقنديلها
تشرق كده ناحية فلسطين
وتملي قنديلها بزيت الزيتون
وتاكل اجاص من سوريا
ومن لبنان تفاح
وريحة الوحدة
بعبير الياسمن
منقوعة
مش زي دلوقتي
الاسم عرب
لكن العلاقات مقطوعة
وكلمتنا لبعضينا غيرمسموعة
والفرقة هي اللي سايدة
والضحية الموجوعة
هي أنا
ماأنا الوحدة اللي
من كتر ما اتقطعت
بقيت عايشة
من بكرة بخاف
وأنا شايفة ولادي
ايديهم مبتورة
وما تجمعهم أبدا صورة
حدود وسدود وتأشيرة
وبغض وكراهية وغيرة
وإن قلت اتوحدوا
دا أنتم والله الخيرة
تسكتوا
وملاقيش رد
وأنا ايدي بالخير ممدودة مد
ياعرب
جمعنا رب العباد
ليه نفترق علشان أسماء بلاد
مستنين ايه
لما ينهونا قوم عاد
كلهم اتوحدوا
وفرضوا سيطرتهم علي البلاد
وانتم بتتفرجوا وخرسكم السكات
منكم لله فرقتم الولاد

قصيدة مؤلمة حقا..
ومازلنا نتغنى بزمان وايام زمان
وتثبيت

الاديبة الراقية نجلاء

زمان جدي
وقد اكتوى الزمان بفرق وجماعات
وكان زمان جدي و جدك يعيش حياة حقيقية في ظل قول الله تعالى شأنه وتبارك جده( ان هذه امتكم امة واحدة وانا ربكم فاعبدون)

تحية لهذا الشجون وتلك الأيام نسال الله أن يجمعنا ويحقق نصرنا المبين

قصيدة جميلة يا نجلاء نصير
شكرا لك