حقائق من بعض الشعب السعودي... هل توافق ؟(حوار)
حقائق من بعض الشعب السعودي... هل توافق ؟
--------------------------------------------------------------------------------
الاعضاء الكرام : هل توافق على ماتضمنه المقال ؟ ام لا ؟ ولماذا
.................................................. ..........................................
حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون . حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قنوات Mbc وقنوات Art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهن . حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل . حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل . حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي . حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا . حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا . حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي . حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!! حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل . حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر. حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! . رغم الحقيقة والألم .. حنا السعوديين أحسن المسلمين والعرب.(هيّن بس ) .!! ملاحظة : كل المعلومات الواردة في المقال صحيحه وعلى حسب الإحصائيات
(للدكتور صعب بن محمد الزعيمر الشراري {عكاظ} )
قد يكون بعض ما ذكر في المقال صحيح اقول قد يكون
لكن الي أنا متأكد منه إن في بعض مريضي الأنفس يحاولون دس السم بالعسل
أيضا في بعض المنهزمين الي ضيعوا مشيتهم ومشية الحمامة (مثل الغربان)
هذي حقائق لا ننكرها
أما بالنسبة للمقال أو ما يزعم أنه مقال فعجيب جدا
أول ما قرأت العنوان والموضوع أخذت الكاتب بالمصداقيه وقلت يمكن يكون مقال صحيح ومباشره رحت على جريدة عكاظ وجدت أن رقم العدد اليوم الجمعة (2007) وفي بعض المواقع الي ناقله الخبر ذكرت إن المقال رقمه (528) يعني تقريبا تقريبا قبل ست سنوات يعني ما لك أمل تلقى المقال
الأمر العجيب بحثت بأسم الدكتور الفاضل ما لقيت أي مقال أو كتابه أو حضور نهائيا يعني الدكتور ما له إلا المقال الرائع الأوحد هذا ذكرني بالبتراء .
والأمر العجيب أيضا (يطول العجب مع مثل هذي المقالات) أنه من زود المصداقية والدقة ذاكر في آخر المقال الملاحظة القيمة الهامة إنها أحصائيات صحيحه (مثل صحة المقال) وفق الاحصائيات
أمر أخير ... أغلب المنتديات الي لقيت فيها الموضوع ولا واحد ذكر أنه بحث في جريده عكاظ عشان يتأكد هل هذا المقال صحيح أو لا .
طبعا قد يعترض شخص ويقول خلنا من الكاتب أو المصدر هل المعلومات صحيحه أو لا
الجواب راجع أول الرد وجود بعض العسل لا ينفي وجود السم ووجود بعض الحقائق لا يعني القبول بكل الأكاذيب
وإذا كان صاحب المقال جريئ وصادق لماذا يكذب بنسبة المقال إلى الصحيفة ووضع اسم مستعار
المضحك في بعض المنتديات حطت العدد والتاريخ (من زود المصداقية) 24/7/2005م ورقم العدد في هذا التاريخ (1498) يعني ولا هو حول الرقم (528) يعني كذاب وغبي
أقول يا ليت نحترم عقول القراءة اثناء الطرح أو حتى النقل
طبعا لا أخص طريق الحنين
كل الشكر لك ودمت سالما
ملاحظة ... اتمنا أن يتحفنا أحدهم برابط المقال في صحيفة عكاظ ... ولن أجد حرج في الرد عليه
الليث
فعلاً أنا بحثت في موقع جريدة عكاظ ولم أجد أثر لا للكاتب ولا للموضوع
لأني بصراحة مستغربة من أن رجل سعودي ويكتب في جريدة سعودية يكون بهذا التجني
على بلده التي تضمه وتعطيه الكثير ... حتى لو كانت فيها عيوب كما يقول فالمتعارف عليه
أن حبنا لبلادنا تجعلنا دائماً نحاول التغاضي عن عيوبها و إظهار حسناتنا مع محاولة منا
بمحاربة السيئ فيها بطرق تحفظ كرامة أبنائها وبالتالي كرامتها التي هي من كرامة كل
مواطن فيها وحتى تظل البلاد جميلة في عيون أطفالها ليحبوها ويتوقوا ليكبروا ويعملوا
جاهدين وبكل الحب لها لرفعتها وجعلها أجمل و أرقى و أقوى .
بس للأسف أصحاب النفوس المريضة هم من يستطيعوا نشر
مرضهم وفساد عقولهم على الملأ دون خوف من ضمير وبلا رادع من واجب
الله يشفيهم ...
ويا ريت ما ننجذب للعناوين البراقة المثيرة ولا نتحمس للكلمات الطنانة
ونتحرى الحقائق حتى لا نظلم عقولنا و بلادنا معنا .
مجرد رأي خاص
مع تقديري لليث لتحريه الحقائق والمصداقية دائماً مهما بذل من جهد أو أخذ من وقت ...
بوركت ليثنا القدير
أكرر شكري لطريق الحنين
احساسهلا وسهلا اخوي الليث// وشكرا لمداخلاتك....
انا قريت كلامك ولا اعترض عليه ابدا ( عكاظ...528 )... ولكن يمكن استشفاف تاريخ كتابة المقال (بالنسبة لعدد الصحيفة) وربطه بالاحداث اللي ذكرت.... مثل (ضرب برجي التجارة... وقضية(التكفير اللي ماظهرت الا عن قريب) وقد ارسل لي هذا المقال من احد الاصدقاء(بهذا الاسم وهذا الرقم)(يعني مافيه امل تلقاه... مثل ماتفضلت
نعم وبكل تأكيد((( أن تعمم بعض التصرفات السيئة فهذا أمر مرفوض))
استاذنك في تفصيص المقال حبة حبة //
حنا السعوديين أكثر شعب في العالم يمتلك بترول . { صحيصح}
وحنا اللي تبرعنا لأغلب دول العالم . { صحيصح}
وحنا اللي إكتفينا من القمح وصدرناه للعالم . { صحيصح}
وحنا اللي أخذنا كأس أسيا ثلاث مرات . { صحيصح}
ووصلنا لكاس العالم ثلاث مرات . { صحيصح}
وحنا اللي هزمنا العراق في حرب الخليج . { صحيصح مع تحفظ}
وحنا اللي فجرنا مركز التجارة والبنتاجون . {لا تعليق}
حنا السعوديين أول من طلع الفضاء من العرب . { صحيصح}
وحنا أكثر شعب في المنطقة وحنا أكثر شعب عنده ستالايت.(مع تحفظ)
وحنا اللي نمتلك قنوات Mbc وقنوات Art ... { صحيصح}
وحنا أكثر من يتصل على القنوات الفضائية
ونلعب مع المذيعات الحلوات ونمزح معاهن . { صحيصح مع تحفظ}
حنا اللي أرسلنا أكثر المجاهدين لأفغانستان والبوسنة والشيشان .
وحنا اللي ماأحد يغار على الدين مثلنا ، رغم إن أغلبنا مايصلي كل الفروض . { صحيصح جزئيا مع تحفظ}
وحنا اللي مافي شعب يضايق الكفار مثلنا . ( ما أظن )
والتكفير عندنا مثل شرب الماء وألذ من العسل . (متحفظ)
حنا السعوديين مافي أطيب وأكرم مننا . { صحيصح}
حنا اللي نرمي نصف أكلنا في الزبالة من زود الكرم . { صحيصح}
وحنا من تفوق على غيرنا في كبر الكروش والكسل{ صحيصح بتحفظ}
حنامن أكثر شعوب العالم إستهلاكا للدخان والشيشة{صحيصح نوعا ما}
وحنا اللي عندنا مدينة جدة رابع أكبر مدينة تلوث في العالم .(لاتعليق)
وحنا اللي قضينا على الحياة البرية في السعودية من كثرالصيد والقنص.
ثم رحنا على مصر والسودان نقضي على الباقي{ عير صحيصح جزئيا}
حنا أكثر من يطارد بنات العالم في الخارج . { غير صحيصح- وقد يكون}
وحنا أكثر ناس في العالم ننفق على السياحة . { صحيصح بتحفظ}
وحنا اللي تبكي وتتحسف علينا بانكوك وبتايا من بعدها عنا . (لاتعليق)
حنا أكثر شعب في العالم عنده عمالة أجنبية . { صحيصح}
وأكثر الأشياء اللي نستخدمها من صنع غيرنا . { صحيصح 100%}
ومانرضى نشتغل في المطاعم والمطابخ والمخابز
والمغاسل لأننا نشوفها أقل من مستوانا . { صحيصح}
حنا اللي نحافظ على تقاليدنا حتى لو كانت غلط { صحيصح}
وحنا اللي مانشوف أحسن من قبايلنا . ونشوف الأجانب
أقل مننا . إلا من رحم ربي . { صحيصح}
حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
{ دس السم في العسل-مع تحفظ على العبارات-}
حنا اللي الحرمة عندنا ماتكشف حجابها لنا وتكشفه للأجنبي{ صحيصح}
وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . (اعتراض)
ونتركها تركب السيارة لوحدها مع السواق الأجنبي . { صحيصح}
رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل { دس السم في العسل}
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر{صحيصح جزئيا مع تحفظ}
حنا اللي عندنا أغلى المهور في العالم {صحيصح}
ومانشوف ولا نعرف العروس إلا بعد الزفاف (شختك بختك) وبسبب هذا ثلث الزيجات عندنا تنتهي بالطلاق ..!! رغم الحقيقة والألم { صحيصح}
ـــــــــــــ فما رايك اخي الكريم ــــــــت اعترض على كلمة (حنا) لانها اسلوب تعميم... ولكن من المفهوم فهي تعني (منا من ... )
طريق الحنين
: حقائق من بعض الشعب السعودي... هل توافق ؟
--------------------------------------------------------------------------------
طبعا الردود الجمت فاهي لأنها عبرت عن كل ما أريد قوله ولكن؟؟؟ السلبيات ممكن تطرح ولكن ليس بهذا التهكم واللعب نحن لسنا افضل الحضارات والدول والأمم ولكن لدينا ما يلجم بعض الكاتبين عن القول بنا ما قال هذا الإنسان ربما هناك بعض العادات اللتي قد تمسكوا بها وربما هناك بعض الإندفاعات لدى الشباب وربما يكون هناك بعض الفساد في امور الحياة لدى البعض ولكننا أمة:
تعرف الحق
تعرف الخير فلا تتوانى عن فعله
منا خرج الأئمة وعندنا بيت الله الحرام
لا نعرف القتل كما عرفه غيرنا ولا نعرف الظلم كما عاشه سوانى
أعلم ان لا داعي لأتكلم عن ابناء وطني ولكن ....
غــــــــــــــــــــــــــموض
أعجبني كثيرا تفهمك وطرحك وهذا يدل على عقلية راقية تستحق التقدير
واكيد أنت ممن يطرح للحقيقة وليس للجدل وهذا المسه في كلامك
إذا اتفقنا أن المقال مختلق وليس منشور في جريده ولا غيره بل هو مقال من أحد الحشويين الذين يهرفون بما لا يعرفون
إذا اتفقنا على هذا الكلام اسقطنا العبارة الأخيرة أن هذه الأمور وفق احصائيات ودراسات ... ((توافقني؟))
طيب نجي على النقطة الثاني لنأخذ المقال من حيث أنه مقال دون النظر عن مصدره أو القائل ((ما عندي مانع))
اقول ما علاقة أمور هامة وحساساه وسياسية واجتماعية بقضايا تافهه مثل وصولنا لكأس العالم أو فوزنا بكأس آسيا .. هذا يؤكد الحشوية في المقال
أيضا هل المقال هو نقد أو اخبار وهذا ايضا يؤكد الحشوية في المقال
برضوا المقال يخلط بين الشعب وبين السلطة وهذا ايضا يؤكد الحشوية والبعد عن الموضوعية
ألا تكفي هذه النقاط أسقاط للمقال وأنه لا يستحق النقاش والبحث ... العاقل خصيم نفسه؟
ومع هذا كله ايضا بناقش المقال وبفصفصه على قولتك حبه حبه ولو أني ما فهمت مصطلحاتك (مع تحفظ) وش التحفظ الي تقصده؟ هذا مطلوب
(صحيصح جزئيا مع تحفظ) وش فرق صح .. وصح جزئيا مع وجود التحفظ ؟ بكل تأكيد أنك تعرف معنا تحفظ ..!
(غير صحيصح- وقد يكون) ... ؟ غريبه العبارة أغرب من شفرة جيفنشي يا ليت توضح ..
طيب نجي للمقال بس مش المقال الاصلي لا .. لانه ما يهمني ولكن بناقش المقال من وجهة نظرك أنت وهذا المهم لأن صاحب المقال نكره مثل ما ذكرت من قبل ..!!
المقال من وجهة نظر طريق الحنين
حنا السعوديين أكثر شعب في العالم يمتلك بترول . { صحيصح}
الشعب لا يملك بل الدولة والسلطة وهنك فرق لا يخفى عليك
ماذا ينبني على هذه المعلومة؟
وحنا اللي تبرعنا لأغلب دول العالم . { صحيصح}
ايضا الذي يتبرع هم السلطة والحكومة وليس الشعب
ماذا ينبني على هذه المعلومة؟
وحنا اللي إكتفينا من القمح وصدرناه للعالم . { صحيصح}
برضوا الذي اكتفا من القمح هي الحكومة ولكن
هنا خطأ لم نصدره ولا نجرؤ على تصديره (اظنك تعرف لماذا)
ماذا ينبني على هذه المعلومة؟
وحنا اللي أخذنا كأس أسيا ثلاث مرات . { صحيصح}
هذي المعلومة مثل معلومه أن ولد جيرانا عنده لومينا لونها أبيض بس رقمها حلو
ماذا ينبني على هذه المعلومة؟
ووصلنا لكاس العالم ثلاث مرات . { صحيصح}
هل هذي من المفاخر أو المعايب
إذا قلنا من المفاخر فالبرازيل اكثر منا بل فازت بعد بكأس العالم
وإذا قلنا من المعايب ففي دول ولا حتى شمت الكأس القاري ومع ذلك أحسن منا اقتصاديا وصناعيا
ماذا ينبني على هذه المعلومة؟
وحنا اللي هزمنا العراق في حرب الخليج . { صحيصح مع تحفظ}
أي تحفظ وأي صحيصح هذا الكلام يودي في داهية لأن حكومتنا الرشيده تنفي هذا الأمر نفيا قاطعا وبشده (تفهم .. قاطعا وبشده) لأننا ما دخلنا مع العراق في حرب فالحكومة تحرص على جاراتها ولا تحارب أحد فما بالك بالأخوة الأشقاء العرب والجيران خاصة (الله يهديك وتقول صحيح قصدي صحيصح)
ماذا ينبني على هذه المعلومة؟
وحنا اللي فجرنا مركز التجارة والبنتاجون . {لا تعليق}
إذا كانت التحقيقات الرسمية والدولية لم تتوصل لهذه المعلومة الخطيرة باواروا المقال وشلون وصله ما أدري ؟؟
حنا السعوديين أول من طلع الفضاء من العرب . { صحيصح}
هذه مفخره نعتز فيها
وحنا أكثر شعب في المنطقة وحنا أكثر شعب عنده ستالايت.(مع تحفظ)
أكثر شعب ... ليه وين راحت مصر؟
وإذا تقصد الخليج ... أيضا معلومه غير صحيحه نظرا للمساحة ولو القضية نسبه وتناسب تكون المعلومه خاطئة
وبالنسبة للستالايت بناءا على دراسه مركز ابو صحن للأحصاء والتعداد خطأ
وبناءا على دراسه مركز أبو ركبة للبحوث المتخصصه الدولية والشمالية والشرقية في المملكة أيضا خطأ
أذا تخبر مراكز دراسات في المملكة تكفى دلنا عليها ودنا نسوي احصاء مش على عدد العاطلين أو على عدد الشباب العاجز عن الزواج أو عن المستوى المعيشي لا نبي نسوي احصاء عن عدد الطيس المسرقه !! أحسن من احصاء عدد الستالايت
ومع هذا أي تحفظ ؟ تقصد على كثرة السكان أو الستالايت
ماذا ينبني على هذه المعلومة؟
وحنا اللي نمتلك قنوات Mbc وقنوات Art ... { صحيصح}
المقال شكله قديم قبل روتانا (تقدر تغمض عينك ..!!) بس الشعب ما يملكونه إلا اذا تقول أن صالح كامل والبراهيم والوليد هم الشعب أو يمثلون الشعب هذا شي ثاني؟
ماذا ينبني على هذه المعلومة؟
وحنا أكثر من يتصل على القنوات الفضائية
ونلعب مع المذيعات الحلوات ونمزح معاهن . { صحيصح مع تحفظ}
ليش أكثر .. وتقول صحيح بعد أجل وين راحوا أهل .... إلي ما خلوا ولا قناة ولا بكلام وقح وقذر
والمسألة نسبه وتناسب لا تنسى .. عشان تكون موضوعي
وهل تقاس تصرفات الحثالة على العامة والمحترمين من الشعب السعودي حتى لو وصل عددهم 50% فالزبد لا يمثل البحر حتى لو كثر لانه يذهب والخير باقي
ماذا ينبني على هذه المعلومة؟
حنا اللي أرسلنا أكثر المجاهدين لأفغانستان والبوسنة والشيشان .
وحنا اللي ماأحد يغار على الدين مثلنا ، رغم إن أغلبنا مايصلي كل الفروض . { صحيصح جزئيا مع تحفظ}
ليش الخلط بين العبارات وكل وحده تختلف عن الثانية
(ارسلنا) مين الي ارسل صاحب المقال
(ارسلنا) الحكومة
(ارسلنا) التنوريين والحداثيين والتطويريين
ليت صاحب المقال النكره حدد عشان نعرف ونستفيد
ومع هذا نفخر أن عدد المجاهدين في سبيل الله (إلا إذا تقول غير كذا) من السعوديين في أفغانستان والبوسنة والشيشان وهذا فخر (عندك شك؟)
أم العبارة الثانية ما احد يغار على الدين مثلنا ... مين الي قال لا ولله الحمد أهل مصر عندهم غيره وغيره تفرح القلب وتسر النفس على الاسلام والمسلمين وأيضا أهل الشام وتركيا والباكستان والهند كل هذولا وغيرهم عندهم غيره على الاسلام وقضاياه وشفناها في الأحداث الأخيرة وخاصة عندما استهزء بالنبي صلى الله عليه وسلم (يعني وين صحيح جزئيا)
وايضا عبارة أغلبنا منا يصلي كل الفروض .. راجع مركز دراسات أبو صحن ومركز بحوث أبو ركبه العالمي عشان تعرف النسب الصحيحه لعدد المصليين ... وإذا لقيتهم مسكرين اعرف أنه وقت صلاة مر على اقرب مسجد وصل فيه بالمره تآخذ أجر الجماعة بالمسجد وراح تعرف عدد المصلين ولا تنسى إن مساجدنا اكثر من البيوت وكل مسجد فيه عدد مش قليل وايضا لا تنسى الي صلى بالبيت ... ولا تحكم على الشعب السعودي من خلال فلان ولد فلتان وفلتان ولد فلنتان وعلى بالك ان كل الشعب مثلهم ..!! صح
وحنا اللي مافي شعب يضايق الكفار مثلنا . ( ما أظن )
يضايق الكفار مثلنا ليتك وضحت وش المضايقه الي حصلت من الشعب السعودي لهم وأيضا مين الكفار الي تقصدهم ... لأن اليهود من الكفار والمستعمرين من الروس في أفغانستان كفار وأيضا المعتدين من الصرب النصارى في البوسنه كفار ... صحيح انت تقول ما تظن بس عشان نعرف مين الكفار إلي ما تظن أن الشعب السعودي ضايقهم ؟
والتكفير عندنا مثل شرب الماء وألذ من العسل . (متحفظ)
(عندنا) قصد صاحب المقال عنده هو أو حارتهم أو عائلته الكريمة (أعتذر بس اسأل) لأنني وبكل فخر مولود في المملكة ومن أهل هذه الأرض المباركه وما سمعت أو شفت ناس تكفر مثل شربة الماء أو ألذ من العسل صحيح موجود فئة قليله منبوذه ومرفوضه وهم موجودين في كل بلد لأن حاويات الزباله موجوده في كل بلد
وعشان اعطيك اضافه تفيدك هناك فرق بين تكفير الأشخاص وتكفير الأفعال يعني اذا قال العلماء أن السجود لغير الله كفر ولا يجوز ما يعني أن كل من سجد لغير الله كافر أو ما يجرئ أحد على تكفير الأشخاص بعينهم
حنا السعوديين مافي أطيب وأكرم مننا . { صحيصح}
(ما فيه) وتقول صحيح ... طيب هذا الكرم والطيبة ما تجتمع مع أحتقار النساء أو التحرش بالبنات أو تكفير الناس (على قولت حسينوه عن جد ابو الحصاني هو طيب بس حرامي)
حنا اللي نرمي نصف أكلنا في الزبالة من زود الكرم . { صحيصح}
حنا يعني منا (مثل ما قلت) طيب هل منا تعطيك الحق أنك تنتقد الشعب السعودي وهل يرمون نصف الزبايل وتقول صحيح ... أنت مشيك (تشديد الياء) على زبايل السعوديين عشان تقول صحيح (حاشاك عن هذا)
وحنا من تفوق على غيرنا في كبر الكروش والكسل{ صحيصح بتحفظ}
ولو أني ما اشوف داعي للتحفظ ... وإذا يعني .. الإنسان يعاب بقربه من الله أو بعده .. بتعامله مع الناس
حنامن أكثر شعوب العالم إستهلاكا للدخان والشيشة{صحيصح نوعا ما}
الله يخليك أذا مريت على مركز أبو صحن سلم على صويلح الصنقل وقله إني مرسلك واكيد بيتوصى فيك عشان يطلعلك الأحصائيات عن استهلاك الدخان بس الشيشه ما تلقاها عندهم عشان كذا رح لمركز أبو ركبه للبحوث اسأل عن دحيم أبو قذله (مسكين طالعله صعرور يحسبونه قذله) اكيد يعطيك اياها
بس أظن فيما اظن أن في بلد عربي رجاله وحريمه أغلبهم يدخنون وينرقلون بعد اكيد أنهم اكثر منا (شو يا زلمه عامل احصاء)
وحنا اللي عندنا مدينة جدة رابع أكبر مدينة تلوث في العالم .(لاتعليق)
يا عيني على الموضوعية لا تعليق ... ليه لا تعليق ما عندك خبر أو المعلومه جديده أو ترفضها .. عشان نفهم بس
وحنا اللي قضينا على الحياة البرية في السعودية من كثرالصيد والقنص.
ثم رحنا على مصر والسودان نقضي على الباقي{ عير صحيصح جزئيا}
معليش ايضا أنا ما عندي معلومه دقيقه ولا حتى ثانية لأن مركز أبو صحن للدراسات والأحصاء ومركز أبو ركبه للبحوث متخصصين بالمملكة فقط يعني ما قالولي عن مصر والسودان
حنا أكثر من يطارد بنات العالم في الخارج . { غير صحيصح- وقد يكون}
غير صحيصح معروفه بس قد يكون هذي غريبه شوي .. بس أيضا أقولك وين راحوا أهل .... وايضا أهل .... إلي من زود البطره يروحون بسياراتهم الفخمة عشان الفسقه .. !! (أكمل الفراغ بالدول المناسبه)
وحنا أكثر ناس في العالم ننفق على السياحة . { صحيصح بتحفظ}
هذي المعلومه من أي مركز أبو صحن أو أبو ركبه لأني اعرف انها سرية وللحين ما خلصت .. رجاء حافظ على سرية المعلومات ..!
وحنا اللي تبكي وتتحسف علينا بانكوك وبتايا من بعدها عنا . (لاتعليق)
بقلدك وبقول لا تعليق
حنا أكثر شعب في العالم عنده عمالة أجنبية . { صحيصح}
مره كنت في دولة خليجية وبغيت اسأل عن موقع شفت رجل مرور قلت هذا الي بيعطيني الوصف بالضبط سألته قام يرطن أوردوا ويوم شافني ما عرفت قال أنت هنا في روح مني (بكسر الياء بقوه) بعدين يجي دوار يروح طول بعدين يجي هادى محل يمين ... بكل ادب قلت شكرا
أنت صديق طريك الحنين أنتا واجد حلو يقول صحيصح
وأكثر الأشياء اللي نستخدمها من صنع غيرنا . { صحيصح 100%}
يعني باقي الدول العربية والإسلامية ما شاء الله المصانع تدهر وانتاج من الإبره إلى الطياره عشان نطلع حنا الدولة الوحيده ..!! ومع هذا جوابك غير صحيصح لأننا نصنع السلاح تصدق عاد ولا ما تصدق السلاح بكبره نسيت مصنع الخرج ومصنع الفارس (تقدر تقول لا)
ومانرضى نشتغل في المطاعم والمطابخ والمخابز
والمغاسل لأننا نشوفها أقل من مستوانا . { صحيصح}
نعم ليش نرضى نشتغل في هذي الشغلات وبلدنا فيها أغنا الثروات وما هي عاجزه عن توفير وظائف تستوعب كل المواطنين وتنشئ مصانع تكفي كل الشباب المهني وهذا نقد يوجه للحكومة مش للشعب
أجل وافد يشتغل استقبال أو منسق أو مندوب أو سكرتير (وظائف لا تحتاج إلى مهارة خاصة) وابن البلد يشتغل في مغسله أو مطعم
حنا اللي نحافظ على تقاليدنا حتى لو كانت غلط { صحيصح}
حنا يعني منا (مثل ما قلت) طيب هل منا تعطيك الحق أنك تنتقد الشعب السعودي
اضافه إلا أن التقاليد الغلط قليله ومع هذا قليل إلي ما زال يتمسك فيها
يعني اذا كان في تصرف أو سلوك أو عاده من العادات عند قبيله (لنفرض أنها قبيله) هل يعني هذا أن الشعب السعودي أو اغلب أو حتى نصف الشعب السعودي يفعل كذا
وحنا اللي مانشوف أحسن من قبايلنا . ونشوف الأجانب
أقل مننا . إلا من رحم ربي . { صحيصح}
راجع التعليق السابق
حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
{ دس السم في العسل-مع تحفظ على العبارات-}
إذا كنت تعرف انه سم معه عسل فانا لا أرى عسل ابدا طبعا وفقا للرد السابق
وايضا مكانة المرأة السعودية تحديدا يشيد فيها القاصي والداني من المنصفين مثل مقال الصحفية الامريكية وأيضا صحفية فرنسيه (إذا ما خانتني الذاكره) كلهم يشيدون بمكانة المرأة السعودية وتقديرها في المجتمع
وخلنا من هذا وهذا هل هذا الكلام يتفق مع ما نراه من كثرة البنات المتخرجات من الجامعات والمعاهد والثانويات
هل هذا يتفق مع البنات السعوديات المبدعات والي نسمع أخبارهن
ثلاث بنات سعوديات يخترعن جهاز يكشف جوال ابو كاميرا
بنت سعودية (هكرز) تخترق مواقع ضاره وتدمرها
هذا غير المبدعات في مجال الطب وغيره والي للأسف الإعلام ما يعرفهن لسبب واحد لأنهن ملتزمات بإسلامهن وعاداتهن الطيبة واهمها الحجاب
حنا اللي الحرمة عندنا ماتكشف حجابها لنا وتكشفه للأجنبي{ صحيصح}
معليش بسألك سؤال بس تكفى لا تزعل مني لاني اسألك صادق وصريح
هل أمك أو اختك أو زوجتك أو بنتك تسوي كذا ؟
اتوقع انك تقول لا
وهذا العشم وأنا ايضا لا .. اهلي ما يسوون كذا
طيب كم عددنا .. أهلي واهلك واهل الثاني والثالث هل تعمم بعض التصرفات الي يسوونها الحريم في المجتمع وتلغي تصرف أهلي واهلك
ليش ما يكون تصرف أهلي وأهلك هو الأساس وهو الي يمثل الحرمة السعودية المسلمة الأصيلة والباقي شواذ ولا يعتد فيهم
راجع عبارتك صحيصح
وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . (اعتراض)
اعتراض في محله وانا اتفق معك وازيد أن القضية مش قضية قبح ولا غيره ولو حطينا الشرط هذا ما ساقت ولا حرمه
ونتركها تركب السيارة لوحدها مع السواق الأجنبي . { صحيصح}
هذا خطأ بس تحكمة الضرورة ومعنا هذا اننا اذا خليناها تركب مع السواق وفي المدينه يعني نخليها تسوق سياره ... لان كلامك يعني مدام وافقنا نخليها مع السواق اجل خلوها تسوق واذا خليناها تسوق خلوها تروح وتجي على راحتها واذا خليناها تروح وتجي على راحتها اجل خلها تسهر مع شباب وتتعرف على شباب (بتقول وش جاب هذا الشي اقول هي خطوات اذا فتح باب بعده الف باب)
رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل { دس السم في العسل}
صح سم مع عسل وايضا وش جاب بنات البدوا الي الوحده متلفعه بثياب بسيطه ومتبذله لبنات المدينه الي متعطره ومتكشخه يعني هل تقبل اي بنت في المدينه انها تلبس مثل لبس بنات البدوا وهل تقبل بنت المدينه أنها تشتغل شغل بنات البدوا تسقي البهم وتسوق الحلال وتجيب العلف وتشيل الحطب (ما في امل ولا حصه ولا مرفت بعد)
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر{صحيصح جزئيا مع تحفظ}
رجعنا على صحيصح جزئيا ؟
ما علينا طيب اذا انت عارف ان الشباب ما خلوها مع السواق بيخلونها لحالها بسيارتها
امر ثاني تحديد أننا أول من أبتكر مطارده البنات بناءا على أي مركز بالضبط (ابو صحن أو ابو ركبه)
حنا اللي عندنا أغلى المهور في العالم {صحيصح}
يا ليت بس عشان نعتمد المعلومه هذي يحدد أي مركز كما سبق هل هو (ابو صحن أو ابو ركبه)
ومانشوف ولا نعرف العروس إلا بعد الزفاف (شختك بختك) وبسبب هذا ثلث الزيجات عندنا تنتهي بالطلاق ..!! رغم الحقيقة والألم { صحيصح}
ابشرك ترى اخوي تزوج وشاف حرمته وايضا اخوي الثاني وخالي وكل الي اعرفهم تزوجوا كذا يعني لا تقول ان الناس في قرية شرقه أو بلده بو عشر (اسماء وهمية عشان ما احد يزعل) ما يخلون احد يشوف بناتهم وتخليها ظاهره عامه في الشعب السعودي
ومن زود المصاداقيه محدد ثلث الزيجات طلاق
ايضا بتعبك معي تشوف هذي الدراسه من مركز ابو صحن أو ابو ركبه عشان ننشرها
ملاحظة ... أخي الكريم اعتذر لك ولجميع القراء على بعض التجاوزات اللفظية أو السخرية بالمقال بس من باب تلطيف الجو (اتميلح)
طريق الحنين .. اشكر لك سعة صدرك وتبقى القضية وجهة نظر لي ولك
الليث
عن صدى الامواج
