انا مسمى بلا عنوان...........................وعنوانى فى تكوينى
انا اللى مصاحب التوهان....................فى وسط الزحمه تلاقينى
قلم يائس قلم بائس.......................... وحبره من دموع عينى
انا مركب بلا شطأن...........................ولا قبطان يرسينى
انا المنسى انا المقهور......................انا المكتوب على جبينى
فى دايره مقفله وبدور......................عصابه مغمضه عينى
.................................................. ........
انا المحروق بنار الفرن......................انا المكوى انا الموجوع
انا اللى غمضت عينى......................يزيد دينى اموت من الجوع
انا الى باعوه فى سوق العصر..........وبعد العصر اخر دموع
.................................................
انا اللى الصبر ليه موصوف................واحلى الصبر بالحلبه
وبنفخ فى الزبادى خوف...................ما انا الملسوع من الشوربه
ولا بخرج عن المألوف.......................ولا قلمى كدب كدبه
يسرسب سن قلمى حروف..............يفجر شلالات غربه
.............................................
انا عايش ومش عايش......................انا اللى مكفنو الاحباط
انا اللى بيسعى ع القمه...................فى يوم واحد سبع اشواط
وبافطر علقه فى الزحمه..................وبتعشى نكد وعياط
انا صابر انا حامد انا شاكر..................انا سلفه ودين واقساط
..................................................
انا المدفون بدون تصريح....................واسمى فى دفتر الاموات
انا اللى سن قلمه صريح..................انا الشاعر انا الشحات
انا انت انا هو انا احنا........................جثث هامده ماليها صوت
...............................................
...................من ديوان الام واحلام........................
