يخليكى يا ماما الصين

يخليكى يا ماما الصين ...............ولا من شئ حرمتينى
ملابس اجهزه بطاطين...............وخيرك بات مغطينى
فلوسى رايحه على جيبك..........وجيبى انضف من الصينى

يخليكى يا ماما الصين

يخليكى يا ماما الصين................يا شوكه ومفرمه وسكين
يا غساله وعصاره......................يا شوايه لجيوب ملايين
وتوهتينى فى الزحمه................لا عارف كايرو من بكين
وضاع منى سمار لونى...............ولونى اصفر من الصينى

يخليكى يا ماما الصين

فى كل ركن او زاويه.................الاقى كل شئ صينى
وزوجه ع الخلف ناويه................تخلفلى عيال صينى
بلاش بلدى بلاش فينو...............ونستورد رغيف صينى

يخليكى يا ماما الصين

طاقيه سبحه سجاده................ولعبه حلوه لحماده
وموتوسيكلات وسياره...............وكرمك زاد عن العاده
عروسه او فانوس رمضان..........يأذن او يقول قرأن
منبه تبعتيه عطلان....................ومش عايزاه يصحينى
وتلهينى ببالونه........................ وقاصده انك تهدينى

يخليكى يا ماما الصين

يخليكى يا ماما الصين..............وياما تقفلى مصانع
وشردتينى من شغلى.............ونيمتينى فى الشارع
وسهمى يندفن فى الطين.......وسهمك فى السما طالع
ولا كفاكى ابيع شغلك..............بعتى بياعين صينى
وداء السارس دمرنى...............ومين م السارس يشفينى
ومن بختى فتحت البخت..........لقيت فى البخت غول صينى
يا يأجوج عصرنا الحالى.............بقت خايفه تنام عينى
لانام والنومه تحلالى................ويخنقنى كابوس صينى

يخليكى يا ماما الصين

يخليكى يا ماما الصين.............وياما منك اتعلم
يا تليفزيون بدون صوره............يا راديو اخرس ما يتكلم
فى كل بيوتنا محشوره...........ومنك ربنا يسلم
وحزمتينى سور الصين...........ورقصتينى ع السلم
وعندى من الكلام ده كتير.......ولا دواوين تكفينى
وقلمى من الزعل قطع..........اتارى ماركته صينى

يخليكى يا ماما الصين


..........من ديوان ( ألام وأحلام ).........................

محمد الشلقامي
اهلا بك بأولى نصوصك
قصيدة رائعة وجميلة
وقصيدة هادفة في معانيها
لكن ماذا نفعل
دائما الدول الصناعية القوية تفرض نفسها على الدول التي لاتصنع
ولا تتنتج

تثبيت

تحيتي
http://www.rofof.com/img4/9gpuhz24.jpg

رائع...الصين دولة جبارة..
وتثبيت فوق تثبيت...
اهلا بك بيننا يبدو أننا سننتظر منك دوما الأاحلى والأحلى
دمت بخير واهلا ببدايات العطاء..

أستاذي الفاضل / ظميان غدير
اسعدني ردك وارجو أن أكون عند حسن ظنك
وشكرا للتثبيت
ثبتنا الله وإياكم عند السؤال

استاذه/ ريمه الخانى
كم انا سعيد بالرد الجميل وأتمنى ان يطاوعنى قلمى لاكمل مشوارى بينكم
وشكرا للتثبيت فوق تثبيت

انت كتبت قصيدة من الروائع...وفعلا كما تفضلت والله يعين..
مشكور اخوي وربي يوفقك ويحميك.
ذيبان

شـكــ وبارك الله فيك ـــرا لك ... لك مني أجمل تحية اخى الكريم ذيبان .....