جريمه قتل فى شارع الجلاء----قصه قصيره

وكيل النيأبه/لازم تعترف انك انت اللى قتلت ذكى بيه--المتهم/ والله لاعظيم ما قتلته ولا اعرفوش --النيابه/كل الادله ضدك --المتهم/ انا مشعارف انت معايا ولا ضدى --النيابه/يابنى متحاولش الانكار --انت معترف فى القسم والمحضر وفيه شهود كمان --المتهم/ انا ما اعترفتش --النياه/شوف يا منصور انت لازم تقول الحقيقه --المتهم/ انا ما قتلتش حد --النيابه/ كده انت مصر على الانكار طب السلاح اللى كان معاك والشهود والظابط ده كلهم كدابين --المتهم/ انا عايز محامى --انا مشهتكلم الا قدام المحامى بتاعى --يدخل ظابط شرطه يجلس --النيابه/هو ده اللى قتل ذكى بيه --الظابط/ايوه سعاتك --النيابه/ايه اللى حصل بالظبط--الضابط/ جالنا مكالمه من مجهول بتقول ان فيه واحد مقتول فى شارع الجلاء ذهبنا على اثر المكالمه لقينا المتهم ماسك فى ايده سلاح ابيض وغرقان فى الدم وذكى بيه ملقى على الارض غرقان فى دمه والناس ماسكين المتهم وخدناه على القسم واكملنا التحقيق معاه الكلام ده الساعه 2 صباحا --النيابه/شكرا شرفتنى المتهم/يصرخ والله العظيم ما قتلته النيابه/اهدى يابنى عيب كده ينادى الشاهد الاول --يدخل رجل فى الاربعين يجلس --النيابه/اسمك وعنوانك وايه اللى شفته--الشاهد الاول/عبد الحميد جنح 40 سنه ساكن بالجلاء الساعه اتنين صباحا شفت المتهم ماسك سكينه وغرقان فى دمه واتلمينا عليه انا واللى فى الشارع ومسكناه -وجت الشرطه خدته --النيابه/هوده المتهم --الشاهد/ اه --مع السلامه امضى هنا --يخرج يدخل شاهد ثانى --الشاهد التانى-/سعيد عبدالله ابو زعبل 50 سنه الراجل ده قتل ذكى بيه --النيابه/انت شفته/ الشاهد الثانى/طبعا هو بعينه --النيابه/امضى هنا الشاهد الثالث يدخل ينظر بحذر يتلفت حوله يجلس النيابه/متخفشى انت هنا شاهد مش متهم --الشاهدالتالث/يصرخ حرام عليك يا مجرم تقتل رجل البر والاحسان يا ظالم يمسك فى المتهم يدفعه بقوه على الارض --يجلس متصببا عرقه النيابه/لا كده ما ينفعش انت فى النيابه --المتهم/ انا معرفش الناس دى ولا قتلتش حد --النيابه/بس يا متهم اسكت خالص --يسكت المتهم باكيا يتمتم حسبى الله ونعم الوكيل --النيابه/هو ده المتهم اللى قتل ذكى بيه -الشاهد/ ايوه يا افندم النيابه/ متاكد --الشاهد/الا متاكد طبعا--يدخل محامى كبير السن يجلس ترحب به النيابه --يخرج الشاهد بعد التوقيع على اقواله--يتمتم/عايز حاجه تانى يا بيه --النيابه/لا مع السلامه انت --المتهم/مش ده المحامى بتاعى --النيابه/انت عارف مين ده المتهم/انا عايز المحامى بتاعى --النيابه/ده اكبر محامى فى الجنايات --المتهم/لا انا عايز المحامى بتاعى --النيابه/سيادتك طاباتك ايه --المحامى/ ما تراه النيابه --النيابه /قررنا نحن النيابه العامه حبس المتهم اربع ايام على ذمه التحقيق --لحين ورود التقرير الطبى --للقتيل واقفل المحضر فى ساعته وتاريخه --المتهم/يصرخ حسبى الله ونعم الوكيل ربنا على الظلمه وولاد الحرام يخرج ياخذه حرس الشرطه مقيدا بالسلاسل --والعسكرى /امشى يا متهم يا مجرم --ستار

السلام عليكم

كنت أتمنى أن نكتفي بالعربية الفصحى دون الحاجة إلى تطعيمها ببعض المفردات العامية أي اللهجة المحكية

مرحباً بك أخي

أهلاً بك وبقلمك في قسم القصة