[يعقوب احمد يعقوب ]
Al-atjah Al-m'aks (الاتجاه المعاكس)
(محمود واسماعيل)
****
فيصل القاسم:
عدنا بعد الفاصل نحن في الاتجاه المعاكس
نحن معكم أيها السيدات والساده
معنا على الهواء مباشرة من رام الله محمود ومن غزه إسماعيل
مساء الخير أبو مازن مساء الخير أبو العبد
يلعن أبو ه الشغله إنقطع البث
لأ والله رجع
لا والله إنقطع
لا هياته رجع
مش قلنالكم تعالوا ع الاستوديو ما قبلتوا
بدكوش تحكوا وجه لوجه
يا الله الله يعين
لحالي بالأستوديو
هاي حلقة هالو هالو
فيصل: اتفضلوا حلوها هالتعريصة
إسماعيل: ألو مين محمود
محمود: لأ انا مش محمود
إسماعيل: الو بدي محمود
محمود: رد يا عريقات
عريقات: بلا رزالة
وبلا معاكسات
إحنا مشغولات
بالمباحثات
بلا ... إيران
بلا.... إرهابات
وشغلات وعملات
محمود:هات التلفونات
بلاش..... خذ وهات
فش بيناتنا مفاوضات
فلسطينيات فلسطينيات
إسماعيل: اسمعني كم كلمات
محمود: خلاص أخذنا قرارات
ما منهم رجعات
الله لا يوفقني
إذا خليتكم
على راحتكم
غير أهريكم مرسومات
كل مرسومه تلحق أختها
وبكره جاي المرسومات
***مرسومات***
مرسومات مرسومات
ارسم ارسم مرسومات
أسود احمر ابيض اخضر
كلو بيطلع بالغسيلات
****
محي محي هالالوان
بلا قضية بلا أوطان
وبلا عرب وبلا يهود
كلو إتغسل كلو اتحلحل
والميت ما عاد يعود
****
عم بفطر مع كوندليسا
وعم بتعشى مع ايهود
وخليه صايم إسماعيل
يشرب غزة وبعده النيل
ويتعشى هوي والقرود
****
ما عم بفطر غير مع كوندي
ما بتعشى الا و حدّي
ليبرمان وخيّ ايهود
****
ما عاد ممكن أي حوار
بين الخير والاشرار
أنا الدولة والقرار
أنا فرعون الجبار
وكل الشعب نمل ودود
****
وهياني عم باكل كفتة
وكل وجبة ووجبة بوقتا
ويلعن إما ويلعن اختا
العودة القدس ولحدود
****
أنا السلطة كل السلطة
والشوربة أنا والسلطة
وعشمالي هالحلوة كوندي
وعا يميني خي إيهود
أنا الديكتاتور محمود
دقولي المارش وغنولي
يعيش وعاش محمود
****
***
من مجموعته / قصائد شعبيه ساخره
