أتريد تبعد ..؟

أتريد تبعد !!
كَلي روح
وأنه صدكَني أرد أعوف
أتريد تزعل !!؟
كَلي وارضه
وادري من تقسه الظروف
ادري عشرتنه انتهت بيدك يتيمه
والشماته تعجن بروحي وتدوف
كَلي كلشي ..
بيه حيل أهمومي ألمهه وعالجروح اكَعد وروف
وبيّ ..
بيّ ..
بيّ حته ادموعي اضمهه ولايجي غيرك يشوف
أتريد تبعد ؟؟
صدك أرضه ..
وانسه كل ذيج السوالف وتنضد فوك الرفوف
وانسه حته مناطري وجياتي ليك
وبي .. بي
ارسومك أمسحهه وتروح وماأجيك
كَول كلشي أتريد كَول
كَلبي توبته وجزع ومايرف أبدن عليك
أنت جنت أتريدني كلش سهل
وهذا هم ماصح بديك
وجنت أنت أتريد تامر ..
وأنت تنهي وتشتريني وأشتريك
روح صدك أنه راضي وماأكَلك ..
ولايجي يوم أعتنيك
ولاتظن أندم وأردلك
وماكو مثلك ...
خاف كَالو أنت أضوه من التريك
أتريد تبعد ؟؟
روح صدك ماأجيك .....

كاظم الفضلي

كلي / قل ليّ
صدكني / صدق بيّ
تدوف / الخطوة التالية بعد عملية العجن
كلشي / كل شئ
المهه / أجمعها
أكعد / أجلس
ذيج / تلك
فوك / فوق
مناطري / أنتظاري
كول / قل
كلبي / قلبي
ابدن / أبداً
جنت / كنت
التريك / المصباح الأشد أنارة

شاعر مطبوع بطابع الإبداع ، به تكنيك القصيدة الشعبية
تدخل حروفك القلب ، وترسم به صورا لإبداع حقيقي
تحيتي .

سررت بمصافحة جديدة متقن وتمسك بزمام الادب الشعبي بقوة
كل التقدير

مشكور بالغالي
وشعر عذب جميل
ذيبان

نص جميل باللهجة العراقية العميقة
بالتوفيق يارب
نورا

شكراً للجميع مع مودتي . أعتذر كون الموقع
لم يفتح عندي خلال هذه الفترة .


كاظم الفضلي

تحية الاسلام
جزاك الله خيرا وبارك الله لك وعليك
أزكى التحيات وأجملها..وأنداها
وأطيبها..أرسلهااليك
بكل ود وحب وإخلاص..
تعجز الحروف أن تكتب ما يحمل قلبي
من تقدير واحترام..
وأن تصف ما اختلج بملء فؤادي
من ثناء واعجاب..فما أجمل
أن يكون الإنسان شمعة
تُنير دروب الحائرين..
دمت بخير
رحم الله والدي ووالديك

شكراً لك شيخنا الجليل والشاعر العربي
والقومي الذي صوته نشيد عروبتنا الحاج
لطفي الياسيني .. شكراً لمرورك وتحيتك
العربية تحية الأسلام والسلام .


كاظم الفضلي