يلّي سحرتي القلب ... شروقي
يلّي سحرتي القلب بوردك العنّاب
وشفافي ع لثمك صارتْ مسحورة
كلمّا اكبرتِ بالعمر كرمك طاب
وكلما اضحكتِ صارو العيون مقهورة
قلبي بهواك مدلدق متل سرساب
صاير متل نسر طاير ورا عصفورة
لا تخافي على َشعِر راسي الشاب
خافي على قلب هجر نتفة صغيّورة
يا دلو الهوى مني الو عندي حساب
ويادلو الليل شو مخبي لنا الصورة
لاتهجري الأشواق بعدك ما بدّي حباب
ولا بدّي الهوى بعدك يا أمورة
اسكني بقلبي واعملي بحبي حجاب
وخدي مفاتيحو كلها الك يا معذورة
حتى إذا اغفلتِ بنومك مئمّنة عالباب
وبتعرفي قلبي مافتح بابو اليوم
إلا ّ لبستان الحلا عندك ياأمورة
شحرور الضيعة
18\10\2009
رد: يلّي سحرتي القلب ... شروقي
فايز كرم
دائما مبدع
وعذب الالفاظ وساحر بشاعريتك
تثبيت
ظميان غدير
رد: يلّي سحرتي القلب ... شروقي
الأستاذ الجميل فايز كرم
جميلة بكل معاني الجمال
رقيقة المعاني رائعة النظم والصور
احسنت واجدت وافدت
كل التقدير
مودتي واحترامي
رد: يلّي سحرتي القلب ... شروقي
اقتباس:
المشاركة الأصلية كتبت بواسطة ظميان غدير
فايز كرم
دائما مبدع
وعذب الالفاظ وساحر بشاعريتك
تثبيت
ظميان غدير
شكرا للاستاذ الكريم الاخ ظميان
تحيتي لمرورك ومتابعتك لقصائدي
رد: يلّي سحرتي القلب ... شروقي
اقتباس:
المشاركة الأصلية كتبت بواسطة يونس محمود يوسف
الأستاذ الجميل فايز كرم
جميلة بكل معاني الجمال
رقيقة المعاني رائعة النظم والصور
احسنت واجدت وافدت
كل التقدير
مودتي واحترامي
الأخ الكريم يونس
شكرا لمرورك الحلو على قصائدي وشجن حروفي
في فضاء الكون الوسيع
محبتي وتقديري لك
