عرض للطباعة
متل هالصورة كتير مبيض قلبي
وبعدو طالب من عيونك دراية
لأنو بيعرف كيل مقدار المحبة
وبيعرف الأيام يعيشها بعناية
نطرت الفرح ولقيتو بقلبك
نطرت الحزن و ارسمتو بروايه
مابعرف كيف ؟ أتغنى بحبك
ومابعرف وين؟ بتكون الهداية
القلب مشغول من ردك وصدك
ومن الأحمال كترو بالنهاية
تعي ل نطير والقلب وعدك
اشتراكِ يلي رسمالو الوصايه
ورد الهوى افرشتو على دربك
و الأشواق اسرقتا من سماي
غلبني الهوى ويا ريت غلبك
منصير تنين علقو بالنهايه
شحرور الضيعة
18 \ 6 \ 2009
نص جديد من شاعرنا العزيز حفظه الله
اشكرك لك حضورك الواضح وحروفك الجميلة
تحيتي لك دوما
امر واترك تحيتي لحرفك السخي شاعر نا الكريم
فراس
الشاعر الرائع الأستاذ فايز :
كما كلّ مقاطع القصيدة 00 استوقفني هذا المقطع :
(( ورد الهوى افرشتو على دربك
و الأشواق اسرقتا من سماي
غلبني الهوى ويا ريت غلبك
منصير تنين علقو بالنهايه ))
وإلى مزيدٍ من الإبداع
تقبل فائق احترامي وتقديري
اقتباس:
المشاركة الأصلية كتبت بواسطة الأخطل الحمصي
شكرا لمرورك الكريم على قصائدي ولك ودي وتحية لك
رقة وعذوبة في قصائدك دوما
شكرا لك
ظيمان غدير