منتظر المنتصر
*****
منتظر لم ينتظر
مقلش حالى
ولا قال يا مالى
وخلينى واقف مصطبر
**
أعلن كيانه
وبان جماله
وبان معاه
جبن العرب
خوف العرب
ذعر العرب
الشعب اللى خايف من خياله
***
رمى الحذاء
وف لحظة واحدة من بنانه
فرحوا العرب
ثاروا العرب
قال العرب
فردة حذائه ولا حذاء
سندريلا فى زمانه
***
أيوه يا منتظر يا منتصر
راح ننسى بيك سندريلا
والحذاء أبو فردة واحدة
وح نفتكر بس الغوريلا
بوش النتن أبو شفة واحدة
***
وح نفتكر فيه رميتك
فرَحْتَنا مع فرحتك
وقلبنا مع محنتك
***
تسلم يمينك
تسلم سنينك
كل التحايا وصلتك
وبانتظارك
تعود لنا
وح ننتظر يوم طلتك
***
