ولأمــتى
ولأمتي ها نفضل نتألم
والظلم يزيد من أوجاعنا
والعالم ساكت ومبلم
ولاحدش فيه راضى يسمعنا
قسوة وتشريد هـو إحنا عبيد
سايبين الغدر يسوق فينا
الشكوى يا ناس مابقتش تفيد
والدمع أتحجر في عنينا
ها نروح على فين محنا ش عارفين
والدنيا كمـــــــان خليت بينا
والروح من خوفنا بتتألم
وها تطلع من قسوة جوعنا
***
ولأمتي ها نفضل نتألم
والظلم يزيد من أوجاعنا
والعالم ساكت ومبلم
ولاحدش فيه راضى يسمعنا
عصفورنا يا ناس راح مارجعشى
كان قصده الحب وماطمعشى
هاجموه غربان ويا حدادي
لكن العصفور ماستسلمشى
كسر وله في عز الضلمه جناح
رفرف به لحد ا لفجر ما لاح
سكت العصفور لما أتكلم
وسكوت العالم ضيعنا
***
ولأمتي ها نفضل نتألم
والظلم يزيد من أوجاعنا
والعالم ساكت ومبلم
ولاحدش فيه راضى يسمعنا
الدنيا دي ليه قاسيه ومره
واحنا الأطفال والله غلابة
ولاحدش ينصفنا في مره
ويا خدنا من وسط الغابة
داحنا في الأصل عيال حره
وقعم في الليل وسط ديابه
ولمين راح نشكى ونتظلم
والظلم أهو دايس فى ضلـوعنا
ولأمتي ها نفضل نتألم
والظلم يزيد من أوجاعنا
والعالم ساكت ومبلم
ولاحدش فيه راضى يسمعنا
عمــاد حســنى
