مطرح ما تعمشق العصفور ب قراني الشجر
مطرح ما تعمشق العصفور ب قراني الشجر
ومطرح ما دابو حبات التراب بقطرات المطر
بحبك .... بحبك متل عاشق عم يجمع صور
بحبك ياضيعتي .. يا بحة ناي .... يا نغمة وتر
* * *
يا ضيعتي يا مواسم جنى بكل الفصول
محلى لقاكي ... محلى بيدرك ... محلى السهول
منك أخد الهامو كل شاعر.. وفكرو عالأصول
ومنك كتب اسمك ... ع جواز السفر
* * *
محلى سنديانك الشامخ .... والدلب العتيق
ومحلى شجر رمانك ع كتاف الطريق
بحبك ياضيعتي .... يا رفيقتي ..... يا أغلى صديق
فيكي مخبى كل ذكرياتي مع كل الصور
* * *
من الفجر أهلك غادية ع كروم زيتونك
ومن شق الصبح تزرع البسمات من ناس حبونك
خايف يا ضيعتي ..... يتلعثمو الكلمات
وبدل .. ما كون عاشقك ...... صير مجنونك
فايز 7 \10\ 2008
الأخ ذبيان والأخ الشربيني شكرا لمروركم الكريم
الكلمة لا تفوح بعطرها إلا بالعقل الذي يوظفها في مكانها المناسب
